Pistacatro abre con Teatro Infantil a programación en Santiago do ciclo da Xunta ‘Cultura no Camiño’

0 / 5
Añadir a favoritos
  • O espectáculo ‘Rojo’, que se representa o día 1 na Quintana, será a primeiras das cinco citas compostelásdesta iniciativa, organizada pola Agadic e Turismo de Galicia en colaboración co Concello de Santiago e outros 102 municipios das rutas xacobeas
  • A carteleira na capital de Galicia concéntrase no mes de agosto con teatro para público familiar, novo circo e danza

A sexta edición do ciclo Cultura no Camiño, promovido pola Xunta en colaboración con 103 concellos das rutas xacobeas, chega mañá mércores 1 de agosto a Santiago co espectáculo de teatro infantil Rojo, de Pistacatro, ás 19,30 h. na praza da Quintana. O programa,organizado pola Axencia Galega das Industrias Culturais (Agadic) e Turismo de Galicia, conta co patrocinio de Gadis para desenvolver 342 citas escénicas e musicais coas que se intensifica a vida cultural dos municipios participantes no período de maior auxe das peregrinacións.

En Compostela, a oferta de Cultura no Camiño concéntrase no mes de agosto, durante o que se levarán a cabo cinco actuacións de teatro para público familiar, novo circo e danza. Tras a posta en escena desta semana, o martes 14 será a quenda de Cía Catropés con Animacreques, un espectáculo teatral de rúa que percorrerá desde as 13,00 h. a zona monumental cos seus monicreques e zancudos.

O mércores 22 Pistacatro regresará á Quintana, desta volta coamontaxe de novo circo Espera, na que convida o público a vivir de preto as súas acrobacias. Os artistasda compañía compostelá estarán no mesmo lugar o mércores 29 con Oh Olimpiadas!Para achegarlles aos espectadores o seu particular mundo circense rexido polo absurdo.

A praza da Quintana tamén acollerá a peza de danza Giveit a Spìn, coa que Pisando Ovos pechará o venres 31 a carteleira desta sexta edición do ciclo da Xunta en Santiago. Como todas as actuacións do programa neste espazo, a función terá lugar ás 19,30 h.

Cultura no Camiño 2018 arrancou a mediados do pasado mes de abril e prolongarase ata o 30 de setembro co obxectivo de contribuír a enriquecer o programa cultural dos concellos participantes, situados todos eles nalgunha das rutas de peregrinación polas que discorre o Camiño de Santiago en Galicia.

O calendario de actuacións está dispoñible para a súa consulta no web da Agadic, así como na sección de axenda da páxina de Cultura da Xunta de Galicia.

enSantiago¿Quieres que tu empresa o negocio se anuncie aquí y formar parte de nuestra gran familia?